(( القصـيدهـ : موجـز اخـبـآريـ ))
حَكَوْ .. مات الفلس .. لكن أشوف ان الفلـس مامـات
مدام اكثر شعوب الشرق الاوسط .. للأسـف ضـاري
أسف ماهو على ذنب وخطايا .. لأ .. أسف حسـرات
.... اخاف أتجرّأ ..ويجري عليّه .. ماجـرى لجـاري
لنا بامجادنا مغنـى ..... عـن الصـولات والجـولات
. تكى كلٍ على مجده .. ولحـدن عـن .. أحـد داري
على قول البدو ( هي هي ) .. سوالفنا عن اللـي فـات
نعيش بعزة أسـلاف ٍ .. تطيـح .. بموجـز اخبـاري
" فتاةٌ .. تغتصب بارض العراق " .. ونحسن الانصـات
.... نتابع باقي الموجز .. تقـل ... ماللخبـر طـاري
بعدها .. نقلب الموجه .. ونسكت .. ( مالها الا سكات )
اساسا لو ( صلاح الديـن ) عايـش يسكـت اجبـاري
وش يسوي .. مع امريكا ... ؟؟ وهو قائد بـلا قـوات
اذا .. حال العرب .. بنتٍ تغشى .. وجسمهـا عـاري
تحالفنا علـى الدجـه .. وغنينـا علـى ( الجيجـات )
. يطل الصبح .. ماطل .. وسهرنا الليـل ( قمـاري )
عرب سات / وعرب شات / وعرب تطرد ورى الستات
وعرب الهتهم أسعار التداول .. واسـر ياسـاري ..!!
السبت ديسمبر 18, 2010 8:14 pm
