ذنــبك عـلـى جــنــبــك
بــلاش تـعـيـد وتــزيـد الـسـوالــف وانـت مـا يـمـديـك
طريقك صعب واحلامك بعيده والغرور اعماك
تعاتـب وانت ما تـدري خفـوقـي وش كثر معـطيـــك
على كـثر لعـطا حديت قلبي للفراق وجاك
اجـي لـك من هـنا وتـصـد عني واعـذرك واجــــيــك
واجي لك من اهناك ونفس ماجيتك هنا وهناك
صحـيح اني سمـعت بطـاري الموت ولمـحـته فيـك
ولكن قلت ابسري واغـنـي لك على ليـلاك
وجيك حـب عن كـل القـلـوب العاشقـه يغـنـيـك
اصيح القـلب ما يغـلى عليك وماتبي يفـداك
عقب ما انهـد حيـلك والهـوى جـابـك على مغلـيـك
بدا المـشوار واللي باقي من عمري بـدا ويـاك
لقيـتك ضامي احساس وقصايد قلت اجـي واسقيـك
ابكسب فيك اجـر و الا القصايـد فيك وبلـياك
تصـور من كثر ما اردد اسمك لا طـراى طاريـك
اصوت لك على الطـاري بلا وعـي وبـلا ادراك
مشينا بالغلا لا خـــوف ياخـــذنا ولا تـشـكـيـك
وفجاة من ردى عقـلك طـغيت وغرتك دنـياك
قسى قـلبـك وبعـد مـا تـدري ويـن الـله مـوديـك
تبعـتك لا خـر الدرب الطويل و ماقصرت اخـطاك
احـاول فـيك اهـدي فـيـك وادري ما لـله ابهـديـك
مع اني صرت احاول ليـن ماجبت اولـك واتلاك
نصـحـتـك واكـتـشـفـت ان الوفا بالـذات ما يعـنـيـك
اجل ذنبك على جـنبك على ما تفـعله يمـناك
اعرف انـك بديـت الحـرب من نفـسك واعترف انـهيـك
واعرف سلاحك الفتـنه الـيا وصـلت اقــصـاك
تلـمح بالجـفا مـدري وش الـلي بالجـفا يـغـريـك
عسى الله ما يحدك للجـفا يـمي ولا يـبلاك
تـولـم لـلـفـراق ولا تـفـكـر تـرجـع لـماضـيـك
وحرام اني ماجعلتك تصفق اليمنى على يـسراك
انا ما قـول كلـمه وارجـع اسحبـها عـشان ارضيـك
مدام رضاك في كسرة كلامي لا بلاش رضـاك
ترى ماني صبي اهلك عشان اخضع وابوس ايديك
عسى تنهيني الدنيا لو اخضع واضعف لشرواك
السبت ديسمبر 18, 2010 8:00 pm
